«ሞትሰ ለመዋቲ ይደሉ፣ ሞታ ለማሪያም የዐጽብ ለከሉ፤ ሞት ለሟች ይገባል፣ የማሪያም ሞት ግን ሁሉን ያስደንቃል»

«ሞትሰ ለመዋቲ ይደሉ፣ ሞታ ለማሪያም የዐጽብ ለከሉ፤ ሞት ለሟች ይገባል፣ የማሪያም ሞት ግን ሁሉን ያስደንቃል» ቅ. ያሬድ 

እንኳን ለእመቤታችን ቅድስት ድንግል ማሪያም በዓል ዕረፍት በሠላም አደረሰን!!!

በዲ/ን ቴዎድሮስ ኃይሉ

/ነግሥ ዚቅ፤ የጥር 21 አርኬ/

እመቤታችን በዚህ ምድር ላይ ሦስት ዓመት ከእናት አባቷ ቤት አስራ ሁለት ዓመት በቤተመቅደስ፣ ዘጠኝ ወር ከአምስት ቀን ጌታን ፀንሳ፣ ሠላሣ ሦስት ዓመት ከሦሥት ወር ከጌታችን መድኃኒታችን ጋር አስራ አምስት ዓመት ከዮሐንስ ቤት ከኖረች በኋላ በስድሳ አራት ዓመቷ ጥር 21 ቀን በ 49 ዓ.ም ገደማ አረፈች፡፡ 

እመቤታችን በዐረፈች ጊዜ ሐዋርያት ሥጋዋን ሊቀብሩ ወደ ጌቴ ሴማኒ ይዘው ሲሄዱ ለተንኮል የማያርፉት አይሁድ እንዲህ አሉ «ቀድሞ ልጇ ሞቶ ተቀብሮ ሳለ ተነሣ እያሉ ሕዝቡን አስኮበለሉ አሁን ደግሞ እናቱን ሞታ ተነሣች እያሉ እንዳያውኩ ሥጋዋን እናቃጥል» ተባብለው ከመሀከላቸውም እንደ ጎልያድ በጉልበቱ የሚመካ ታውፋንያ በሚሉት የጎበዝ አለቃ እየተመሩ ወደ ሐዋርያት መጡ፡፡ ታውፋንያ የተባለው ትዕቢተኛ የእመቤታችን ሥጋ ያረፈበትን አጎበር /አልጋ/ ከሁሉ አስቀድሞ ያዘ፡፡ ወዲያው ከእግዚአብሔር የተላከ መልአክ ሁለት እጆቹን በሰይፍ ቀጣው፤ እጆቹም አጎበሩ ላይ ተንጠልጥለው ቀሩ፡፡ «እግዚአብሔር በቀባው ላይ እጁን የሚዘረጋ ንጹሕ አይሆንም …´ 1ሳሙ. 26-9 ያን ጊዜ በጌታችን አምኖ ወደ እመቤታችን እያለቀሰ እንዲህ ብሎ ለመናት «የእውነተኛ አምላክ እናት አንቺ በእውነት ድንግል የሆንሽ ይቅርታ ታደርጊልኝ ዘንድ እለምንሻለሁ» አላት፡፡ በቅዱስ ጴጥሮስ አማካኝነት እንደቀድሞው ደኅነኛ እጅ ሆነለት፡፡

ከዚህ በኋላ መልአክ ዮሐንስን ጨምሮ የእመቤታችንን ሥጋ በገነት በዕፀ ሕይወት ሥር አኖሩት፡፡ ሐዋርያት «የእመቤታችንን ሥጋ አግኝተን በክብር የምንቀብረው መቼ ይሆን» እያሉ ይናፍቁ ጀመር፡፡ 

ዮሐንስም ከተመለሰ በኋላ እንደምን አለች? አሉት፡፡ ዮሐንስም «እመቤታችንማ ከገነት ከዕፀ ሕይወት ሥር አለች» አላቸው፡፡ ዮሐንስ ዐይቶ እኛ ሳናይ ብለው በነሐሴ መባቻ ጾም ጀመሩ፡፡ ከዚያም ሱባኤው እሑድ ያልቃል እሑድ አምጥቶ የእመቤታችንን ሥጋ ሰጥቷቸው ቀብረዋታል፡፡ ማከሰኞ ተነሥታለች «ከመ ትንሣኤ ወልዳ፤ እንደ ልጇ ትንሣኤ» ያሰኘው ይህ ነው፡፡

ስለ እመቤታችን ትንሣኤ አባቷ ዳዊት በመዝ.131-8 «አቤቱ ወደ እረፍትህ ተነሥ አንተና የመቅደስህ ታቦት» በማለት ለአምላካችን መድኃኒታችን ኢየሱስ ክርስቶስ ማደሪያ የሆነችው አማናዊት ታቦት ንጽሕት ቅድስት ድንግል ማርያም እንደ ልጇ ሁሉ እርሷም ከሙታን ተለይታ እንደምትነሣ ተናግሯል፡፡ 

ስሎሞንም እንዲህ ብሏታል፡፡ «ወደጄ ሆይ ተነሺ፣ ውበቴ ሆይ ንይ፡፡ እነሆ ክረምት አለፈ ÷ ዝናቡም አልፎ ሄደ ፤ አበቦች በምድር ላይ ተገለጡ፣ የዜማም ጊዜ ደረሰ ÷ የቁርዬውም ቃል በምድራችን ተሰማ፡፡ በለሱ ጎመራ ወይኖችም አበቡ መዐዛቸውንም ሰጡ ወዳጄ ሆይ» /መኃ.2-10-14/፡፡ ይህን ኃይለ ቃል ሲተረጎም በውስጡ ብዙ ምስጢራዊ ነገሮችን ያቀፈ ነው፡-

«በክረምትና በዝናብ» የተመሰሉ የእመቤታችን መከራዋ ናቸው፡፡ ካህኑ ስምዖን «በአንቺም ደግሞ በነፍስሽ ሰይፍ ያልፋል»/ሉቃ.2-35/ እንዳላት፡፡ አሁን ግን ያ የመከራ ክረምትና ዝናብ በክርስቶስ ሞትና ትንሣኤ ማለፉን ፤

«አበቦች በምድር ላይ ተገለጡ» ሲል የሐዋርያት ድምፅ ወይም ስብከት በምድር ላይ ሁሉ መሰማቱን ነው፡፡ ዳዊት በትንቢቱ /መዝ.18-4/ «ድምፃቸው ወደ ምድር ሁሉ ቃላቸውም እስከ ዓለም ዳርቻ ወጣ» እንዲሁም ጌታችንና መድኀኒታችን ኢየሱስ ክርስቶስ «ወደ ዓለም ሁሉ ሒዱ ወንጌልንም ለፍጥረት ሁሉ ስበኩ»/ማር.16-15/ ያለው ቃል ተፈፀመ፤ 

«የዜማ ጊዜ ደረሰ» ዜማ ያለው መከሩን ነው፡፡ መከር የፍሬ ጊዜ ነው ፡፡ ስለሆነም የሐዋርያት ስብከት ፍሬ አፈራ፤ 

«በለሱ ጎመራ» በጎ ምግባር የሌላቸው ሰዎች ምግባር መሥራት ጀመሩ፤

«ወይኖች አብበዋል መዐዛቸውንም ሰጥተዋል»፡- በመላው ዓለም አብያተ ክርስቲያናት በሃይማኖት ማበብ፣ መዐዛ ምግባራቸውን ማቅረብ ጀመሩ፣ ወደጄ ሆይ ተነሽ እያለ ኢየሱስ ክርስቶስ እናቱን እንደጠራት በሚያስደንቅ ሁኔታ ሰሎሞን ተናገረው ፤ እመቤታችን በሦስተኛው ትንሣኤ ዘጉባኤን ሳንጠብቅ በአምላክ ፈቃድ ተነሣች ፡፡ 

ቶማስ አልነበረም ደመና ጠቅሶ ከሀገረ ስብከቱ ሲመጣ ስታርግ አገኛት «ወፈቀደ ይደቅ እም ደመናሁ»፡፡ ቀድሞ የልጅሽን ትንሣኤ ሳላይ ቀረሁ / «ነገር ግን ከዐሥራ ሁለቱ አንዱ ዲዲሞስ የሚሉት ቶማስ ኢየሱስ በመጣ ጊዜ ከእነርሱ ጋር አልነበረም»/ዮሐ.20-25-25/ አሁን ደግሞ ያንቺን ትንሣኤ ሳላይ ቀረሁኝ ብሎ፡፡ እመቤታችንም «ዐይዞህ አትዘን ወንድሞችህ ትንሣኤዬን ዕርገቴን አላዩም አንተ ዐይተሃል ተነሣች ዐረገች ብለህ ንገራቸው» ብላ የያዘችውን ሰበን ሰጥታ ሰደደችው፡፡ እርሱ ሔዶ ለሐዋርያት የእመቤታችንን ዕርገት አበሰራቸው፣ ለምልክትም የያዘውን ሰበን /መቀነት/ ሰጣቸው እነርሱም ለበረከት ተካፍለው ወደየ ሀገረ ስብከታቸው ሔደው በዓመቱ ቶማስ ትንሣኤሽን ዐይቶ እኛ ሳናይ ብለው ሱባኤ በነሐሴ መባቻ ገቡ በ16ኛው ቀን ጌታችን መድኃኒታችን ኢየሱስ ክርስቶስ እመቤታችን መንበር፣ ቅዱስ ጴጥሮስን ተራዳኢ ካህን፣ ቅዱስ እስጢፋኖስን ሠራዒ ዲያቆን አድርጎ አቁርቦአቸዋል፡፡

ሞት ለሰው ልጆች ሁሉ ዕጣ ፈንታ ቢሆንም ከሞተ ሥጋ እናቱን ማስቀረት ሲችል፣ አለማስቀረቱ የፈጣሪ ፈታሒነቱን ያሳያል፡፡ ለዚህ ነው እንግዲህ ቅዱስ ያሬድ እመቤታችን የአምላክ እናት ስትሆን ዕረፍቷ የሚያስደንቅ መሆኑን «ሞት ለሟች ይገባል፣ የማርያም ሞት ግን ሁሉን ያስደንቃል» በማለት የዘመረው፡፡

የድንግል ማሪያም አማላጅነት አይለየን። 

ወስብሐት ለእግዚአብሔር!!!

(ወደሚቀጥለው ገጽ ይዞራል Read More)

ትዝታ

ዕለቱ ሐሙስ ወርሁ የአስተርዕዮ ዘመን ነው።  የፈስቡክ ግውደኞቼ "አትሄድም እንዴ"፣ እያሉ ከዚያም ከዚያም ጥሪያቸውን ቀጠሉበት። እኔ ያሉበት ደግሞ እንሂድ ቀርቶ ሲበሉ ብደረሱ እንኳን  እንብላ የማይባልበት ነው። ይህን የእንዉጣ ድምጽ ስሰማ ምን አለ  ስል  ከልቤ አንድ ነገር  ከተፍ አለ። "ከተራ እና ጥምቀት "።

ሁሉም አንደየ አቅሙ ለጥምቀት ያልሆነ ቀሚስ ይበጣጠስ እያለ  አለኝ የሚለውን ለብሶ፣ ከየ ቀየው ብቅ ብቅ ሲል ያለዉ ድባብ አጀብ  ያስብላል። ግሩም የኢትዮጵያዊነት ባህል።  ከዚያም ሁልጊዜ የኢትዮጵያ ታሪክ ሲነሳ፣ የማትለየዋ ቅድስት ወደሆነችው ኦርቶዶክሳዊት ተዋህዶ ቤተ ከርስቲያን ጉዞው  ይጀመራል።  ጳጳሳቱ፣ ካህናቱ፣ ዲያቆናቱ ታቦቱን ይዘው ከቤተ መቅደሱ ብቅ ሲሉ፣ ይህ ህዝብም ከመዘምራኑ ጋር በመሆን "ታቦት በዉሥቴታ" እያለ ታቦቱን በማጀብ ጉዞዉን  ወደ  ባህረ  ጥምቀቱ ይገሰግሳል። አቤት ይህን ጊዜ ያየው። ዓለም ቅልጥ ትል ይሆናል። በዓሉ መንፈሳዊ መሆኑ ተረስቶ እንድያው ጭፈራዉንም ያስነኩታል። አዛዉንቱ፣ ወጣቱ፣ ህጻናቱም ሳይቀር ታቦቱ የሚሄድበትን ቦታ ምንጣፍ በማንጠፍ፣ ቀጤማ በመጎዝጎዝ፣ ሽቶ በመረብረብ ሽር ርጉድ ሲሉ አለማየት ነው። ሊቃዉንቱ፣ የሰንበት ተማሪዎች የሚዘምሩት መዝሙርማ ነፍስን ዉስድ አድርጎ፣ በምድር ቀርቶ ከሰማይ መላእክት ጋር ያለ ነው የሚያስመስለው። እንዲህ እየተሆነ የየአድባራቱ እና ገዳማቱ ታቦታት በአንድነት ከባህረ  ጥምቀቱ ይደረሳል። ታዲያ ይህ በዓል፣ ባህል እንኳን በህይዎት ላለ በመቃብርም እንኳን ትዝ ይላል።  

በዚህ ጊዜ ወጣቶቹ ሌላም ነገር አላቸው። ሎሚ ዉርወራ። አንድ ጎረምሳ የምዎዳት ካለች ሎሚ፣ እንቦአይ ይወረውራል። ኮረዳዋም ብትሆን ይምትዎደው ካለ ከመወርወር አትቆጠብም። ብዙ ሰዎችም በንደዚህ አይነት ሁናቴ ተገናኝተው ኑሮአቸውን የሚገፉ አሉ።

ከዚህ በሁአላማ ሁሉ በዚያም በዚያም ወከባ ይሆናል። ሌሊቱን በሙሉ ካህናት ሊቃዉንቱ ስብሐቱን እንደ ዝናብ ስያፈሱት ያድሩና ወደ ቅዳሴ ይገባሉ። ሕዝቡም የቻለ ከታቦቱ አብሮ ሌሊቱን ያልጋዋል። ያልቻለ ደግሞ ከቤቱ አረፍ ብሎ ያድርና የአህያ ሆድ ሲመስል ጎዞዉን ወደ ታቦቱ ያደርጋል።  ቅዳሰዉም ሲነጋ ያልቅና ወደ ጥምቀት ይሄዳል። ከዚህ በሁአል ያለዉን ትርምስ አታንሱት። ያም ያም ከበረከቱ ለማግኘት ግፊዉ በስመ አብ። ለነገሩ  ግፊዉ የሚጀምረው ገና በጠዋቱ ቅዳሴው ሳይጠናቀቅ ነው። ቢሆንም ግን በረከቱ  ብዙ ዉሃ በማግኘት ይመስል፣ ጥምቀቱ ሲጀመር ያለዉን  ግፊ ተዉት። 

በዓሉ የሚከበረው ለእኛ ሲል ወደዚህ ዓለም መጥቶ፣ በባህረ ዮርዳኖስ የዕዳ ደብዳበያችንን የቀደደበት የጌታችን የዚየሱስ ክርስቶስ ጥምቀት ነው። በዚህ በዓል ምስጢረ ስላሴ የተገለተበትም ነው። ዝርዝሩን በዚህ እለት ሊቃዉንቱ ሲያስተምሩት ምን ያክል አስድናቂ     ነው። ዮሐንስ በባህረ ዮርዳኖስ ክርስቶስን ሲያጠምቅ፣ ከሰማይ በደመና አብ "የምዎደው ልጄ ይህ ነው" አለ። መንፈስ ቅዱስም በርግብ አምሳል መጥቶ በላዩ ላይ አረፈበት። በዚህ መልክ ነው አንድነት ሶስትነት የተገለጠው። ትልቅ የሆነዉን ትምህርት ከሊቃዉንቱ ቃል እንስማ።

እንዲህ እንዲህ እያለ ወደ በዓሉ እለት ከረፋዱ አምስት ስድስት ሰዓት  ይደረሳል። ከዚያም ያ አምሮበት የወጣ ሕዝብ እንዲያ እንዳለ፣ ታቦቱን እንዳመጣ ዝማሬው፣ ምንጣፍ ማንጠፉ፣ ቀጤማ መጎዝጎዙ፣ ሽቶ መረብረቡ ሳይጎአደል ከቤተ መቅደሱ ያደርሰዋል። ከዚህ በሁአላ ነው ወደቤት መመለስ ያለው። 

እኔም በአቅሜ ከዚህ ሁሉ እካፈል ነበር። ነገር ግን  በዚህ ዓመት ለአይን እንኳን ማየት አልቻልኩም። ምን ይደረግ እንጀራ ሆነና። እንዲህ እያልኩኝ ከርሞ ሁለት ዓመት አድርሰኝ ብዬ በመሳል፣ ትዝታዬን ልቆአጭ። 

ከበዓሉ በረከትም ይድረሰን!!! አሜን!!!

በዕለቱ ከሚዘመሩ መዝሙራትና ትምህርቶች በከፊል: 

ትምህርተ ጥምቀት በአባ ጊዮርጊስ ዘጋሥጫ

በቤተ ከርስቲያን በጌታችን መድኃኒታችን ኢየሱስ ክርስቶስ ጥምቀት በዓል የምወረቡ ወረቦች

(ወደሚቀጥለው ገጽ ይዞራል Read More)

Positive Inspiration Quotes

"Yes, I have made lots of mistakes; because Life didn't come with instruction."

" To your mind be gentle,
  To your life be honest,
  To your heart be true,
  To your soul be kind! "

The Ten Rules For Being Human.

1. You will receive a body. You may like it or hate it, but it’s yours to keep for the entire period.
2. You will learn lessons. You are enrolled in a full-time informal school called, ‘life’.
3. There are no mistakes, only lessons. Growth is a process of trial, error, and experimentation. The ‘failed’ experiments are as much a part of the process as the experiments that ultimately ‘work’.
4. Lessons are repeated until they are learned. A lesson will be presented to you in various forms until you have learned it. When you have learned it, you can go on to the next lesson.
5. Learning lessons does not end. There’s no part of life that doesn’t contain its lessons. If you’re alive, that means there are still lessons to be learned.
6. ‘There’ is no better a place than ‘here’. When your ‘there’ has become a ‘here’, you will simply obtain another ‘there’ that will again look better than ‘here’.
7. Other people are merely mirrors of you. You cannot love or hate something about another person unless it reflects to you something you love or hate about yourself.
8. What you make of your life is up to you. You have all the tools and resources you need. What you do with them is up to you. The choice is yours.
9. Your answers lie within you. The answers to life’s questions lie within you. All you need to do is look, listen, and trust.
10. You will forget all this.

-Dr. Cherie Carter-Scott, If Life is A Game, These Are The Rules

Source: Anke@FaceBook.com

(ወደሚቀጥለው ገጽ ይዞራል Read More)

እንኳን ለብርሃነ ልደቱ በሰላም አደረሳችሁ

እስመ ናሁ ተወልደ  ለክሙ ዮም መድኅን ዘዉዕቱ ክርስቶስ እግዚእ ቡሩክ በሀገረ ዲዊት።
‹‹ዛሬ በዲዊት ከተማ መድኃኒት እርሱም ክርስቶስ ጌታ የሆነ ተወልዶላችኋል›› ለቃ ፪፥፲፩
እንኳን ለጌታችንና ለመድሃኒታችን ኢየሱስ ክርስቶስ ልደት በዓል በሰላም አደረስዎት!

(ወደሚቀጥለው ገጽ ይዞራል Read More)

Ethiopia The Beautiful

If the sky is bluer Green is the land And there are no seas, yep there is no sand Only two month a year it will rain It's always green, there are no winters pain the rivers and the lakes are still pure There is less noise, it's quite for sure You'll find Anything in Dear Ethiopia My Beloved country is in the East of Africa For your vacation Come! it's Paradise Don't worry about the money go, low is the price Dear Ethiopia is in the East of Africa Dear Ethiopia is in the East of Afirca Colors and Freindship you bet you will find There's good hospitality & a peace of mind In Ethiopiaaaaaaa Pretty girls and boys everyday you can meet The colors of their xxxxx xxxxxx xxx xx xx Dear Ethiopia is in the East of Africa Dear Ethiopia is in the East of Africa Enat Ethiopia wubituwa hagere Betam ywedishal Tesfaye Gebre Enat Ethiopia Wubituwa hagere Betam ywedishal Tesfaye Gebre Colors and Freindship you bet you will find There is much hospitality & peace of mind In Ethiopia Pretty girls and boys everyday you can meet The colors of their blouse black and white Dear Ethiopia is in the East of Africa Dear Ethiopia is in the East of Africa Come Come to Ethiopia That is my country...Ethiopia Ethiopia                                                         Source: Ethiopiananimaiton.com

(ወደሚቀጥለው ገጽ ይዞራል Read More)