አዎ ይደገማል!

አዎ ይደገማል!

አዎ ይደገማል!

እማማ ኢትዮጵያ ኩሪ ይገባሻል፣

እንደ ቲቂ ያሉ ልጆችን ወልደሻል። 

ወርቅማ ወርቅ ነው፣ በብርም ይገዛል፤

ይህን ክቡር ስምሽ ከቶ ማን ያስጥራል፤ 

ልጆችሽ እያሉ ዘላለም ይጠራል፣ አዎ! ይደገማል። 

ገና መች ተነካ አዎ ይደገማል! 

እማማ ኢትዮጵያ ክብር ለባንዲራሽ፤

ሰላም ለልጆችሽ፣ አምላክ ያድልልሽ፤ 

ስምሽን አስጠሩት ወርቃማ ልጆችሽ። 

ሁሉም በአንደበቱ ቲቂ ቲቂ እያለ፤

በልቡም አምላኩን እርዳቸው እያለ፤

ሰዓቱም ተገፋ፣ ርቀቱም አጠረ፣ 

ኮመንታተሩ ሳይቀር ገላና ገላና ከኢትዮጵያ እያለ፤

ቲቂ ብቅ ስትል፣ እልልታው አየለ። 

አዎ ይደገማል! 

ስምሽም ዘላለም በአለም ይጠራል። 

ማስታውሻነቱ፡ ሐምሌ 29/2004 ዓ.ም. ለተገኘው የማራቶን ድልና ድል አድራጊዋ ቲቂ ገላና።

አለምነው [ሐምሌ 29/2004 ዓ.ም.]